Xaadooshshunna miidiyu Dayrektoreette
- Sidaamu dagoomi qoqqowu mootimma fayyimmate biiro dagate xaadooshshinna fayyimmate xaadooshshi dayrektoreette, dagoomu owaante uytanno fayyimmate biiro hundaanni tantanamatenni, poolise, istiraateeje, pirograame mixonna jeefo la’nohunni mashalaqete owaante aatenni, xaadooshshe kalaqatennina fayyimmate latishshi wolqubba jeefisate dhukansa lossatenni, jeefonsano egensiisatenni dancha xaadooshshe kalaqa dandiisiisanno daninni fayyimmate latishsha jawaachishate luphi yino qeecha fultanno.
- Dagate mashalaqqe afirate qoossonsa agarsiisatenna fayyimmate sekterera loosamanni afamanno latishshu loossa dagoomaho iillishate, fayyimmate latishshi iima noonsa hedo gotti assate loossanni afantanno.Konni aleennino, dagoomu beeqqonni loosamannohu fayyimmate latishshi loosi sufeno deerru deerunkunni afantanno bissa ledo halamatenni mashalaqqe dagoomaho iilla hasissanoho.
- Fayyimmate latishshi widoonni, xaaddanno danchu gashshooti mitiimubba qimiide fushshatenni, biiro harancho,mereerimanna , seeda, yannara tirtara amadinore badatenni, taru tarinsa garinni tiramanno gede irko assanna tiramansano buuxa hattono hedote mitiimma noonsa hajubba iima subbino hedonni soorrantanno gede assate loossa loonsanni.
- Ledeno kae, qoqqowu giddo addi addi qooxxeessira leeltannota jeefote gumaamimma babbaxxa ruukkisate, dancha rosicho badatenni , ganba assatenni hala’lanno gede assatenni, baalunku qoqqowu qooxxeessira afamanno dagoomi fayyimmasi laashsha dandaanno egenno cu’manno gede assate loossa loosa agartannose.