Amanyootu ha’runso.

1. Uurrinshate dancha amanyoote halashshate mussinna ginbanni poolise .higge, wodhonna biddissuwate iima uurinshate sooreeyyeranna, loosaasinete hedo cu’mishiishate loossa loossanno.
2. Mussinu jaddonna baima looso gargarate dandiissiissanno huneetubba iima aliidi sooreeyye amaaltanno.
3. Uurrinshubbate mussinnu jaddoranna baima loosu ha’rinshora reqecci yitino loosu akatubba komishiinete ledo xiinxallo assatenni laanfe taala dandiitanno hedo shiqishatenni xiinxallote gumi loosu iima hosasi ha’runso assitanno.
4. Uurrinshate giddo jawiidihu mussinnu jaddo loosante woyi loosantara dandiitanno yine huluullammiro rahotenni komishiinete shiqqanno.
5. Uurrinshate sooreeyyenna loosaasine jironsa borreessiissannonna afisiissanno gede assitanno/jiro borreessate looso loosatenni komishiinete sayiissanno/.
6. Muli qooxeessira afantanno amnyootu harinsho mewaaqirubba ledo halamatenni loossanno.
7. Uurrinshate woriidi mewaaqirera noota amanyootu mewaaqirubba irkissanno, mixonsanna ripoortensa ha’runsitanno,qorqortanno, irkonna ha’ronsono assitanno.
8. Uurrinshate loosu sooreeyyenna loosaasine amanyootu biddissa ga’runninna suudu noosi garinni loosu kifilla ledo mitteenni ikkatenni qixxeessitanno, kaajjishanno. Loosu iima hosiisansano ha’runsitanno.
9. Uurrinshate loosu sooreeyye loosaasine, amanyootu biddisubba la’ánonsa loosu kifilla ledo ikkatenni qixxeessitanno kaajjishshanno loosu iima hosasino harunsitanno.
10. Uurrinshate loosaasinete qixire, deerru lopho,taraawishsha lainohunni wodhonna biddissubba taynse loonsiha ikkiro uurrinshate aliidi sooreessiwa shiqe taalanno gede ripoorte assitanno, loosu iima hosasino ha’runsitanno.
11. Uurrinshate amanyootu xe’ne lainohunni kullonnire macciishatenninna buuxatenni uurrinshate wodhonna biddisubba kaiminni sunfe adha hasiissanno qaafo, murote hedo, la’anonsa bissara shiqishshanno.Kalaqantino ba’ne aliidiha amanyootu huno ikkiture  rahotenni komishiinete egensiisanno.
12. Uurrinshate afantannota loosaasine mussinnu jaddoranna baimu loosira reqecci assitanno  ayee xiiwo iillitanonsakki gede ha’runso assitanno, loosasinchu iima koma qo’late xiiwo iillite afanturo hajo komishiinete egensiissanno.
13. Uurrinshate  amanyootu hajubba woyi mitiimma iima loosaasine yanna agadhino hasaawa assitanno gede uurrinshate aliidi sooreessira qaagissanno, jeefamasino ha’runsanno.
14. Giddo woyi gobbaydi odiitere adhitino qaafo taaltanno gede ripoorte assinoonni hajubba disippiliinetenna huluullote muro, garunni loosu iima hosase ha’runsitanno.
15. Mussinanna baima looso olamatenni qaddo ikkitino loosasine, komishiinetenni fulanno safaraanchi garinni borreessine amadatenni afanshaho shiqqanno gede assitanno.
16. Baajeettete dirinni loosantanno loossa, mamoote mamoote loosamannoronna baajeetete mixo uurrinshate shiqishshanno/Komishiinete egensiissanno. /