Sidaamu Dagoomi qoqqowi mootimma fayy/fayyimma labbanori owaantenna gibaatete silanchimma ha’runso biilloonye.
Sidaamu dagoomi qoqqowi mootimma fayy/fayyimma labbanori owaantenna gibaatete silanchimma ha’runso biilloonyi loosu qeechanna biilloonye kaajjishate fultino wodho kiiro10/2013 garinni konni woroonni xawinsoonni biillonyinna loossa heedhannonsa.
1. Sagalete,xaggatenna fayyimmate agarooshshi gashshootenna ittishsha jeefisate fultino wolootta wolootta wodhonna biddisubba loosu iima hosansa buuxxanno,ittissanno.
2. Sagalete,xaggatenna fayyimmate agarooshshi gashshootenna ittishsha jeefisate fultino wolootta wodhonna biddissubba loosu iima hossanno gede ittisaano gaantanno.
3. Sagalete keeraanchimmanna silanchimma, xaggate keeraanchimmanna hursate noonsa dandoo, islanchimanna garunni horonsi’ra, fayyimmate ogeessiha owaante aanna ogimmate amnyoote, meessinna qooxeesu coichimma xe’ne nna fayyimmanna fayyimma labbonori har’unsonna ittishsha assinanni uurrinshubba iimma ha’runsotenna ittishshu looso loossanno.
4. Fajjinooninsa bissa callu naarkootiketenna saykotiropikete xagga owaante iima hossanno uurrinshubba xiwamaasinete hajaja, beeha,horonsira borreesse amadanna ripoorte assa harunsanno, doogimale horonsira hooltanno.horonsi’nanni gara lainohunni federaalete biilloonyu noonsariranna la’ánonsa bissara ripoorte assitanno.
5.Mootimmate, mootimma ikkitinokkiri fayyimmate uurrinshubbara xaphoomanna umi dirimi hospiitallara, fayyimmate mereershubbara, fayyimmate keellira, kilinikkate xaga daddallanni uurrinshubbara, xagishshu laaboraatorera, gidoydi utto buuxxannorira,saga’late owaante uytanno uurrinshubbaranna ittishsha assinanniri fayyimma labbanno uurrinshubba ikkadimma buunxoonni tajete woraqata uytanno,haroonsitanno,cuffanno, ittissanno huntanno.
6. Qoqqowu giddo sagalete, xaggate, qooxeessu coichimma agarooshshi, fayyimmate ogeeyyenna fayyimma lawinori ittishsha assinanninsa uurrinshubba lainohunni tajete mereersha ikkite kaa’litanno.
7.Sagalate woyi xaggate harfamme woyi oloonqe korkaatinni iillitanno rewora,fayyimmate henbeelle korkaata ikkinore buuxate naamuna haaratenni buuxote sowaanno, mayiimmasi buuxanno, afamino gumi kaiminni hasiissanno qaafo adhitanno.
8.Aradote qixxaawonna hiro, horonsi’ra, hattono hirtanonna daddaltanno uurrinshubba ittisanno, hasiissanno qaafono adhitanno.
9. Qoqqowu giddo taraabbanno fayya kalaqanturo,hasiissannoha gargarooshshunna ittasate loosi loosaminota buuxxanno hasiissanno qaafo adhitanno.
10. Qoqqowu giddo fayyimmate owaante loosi iima gaamantanno ogeeyyera ogimmate fajjo uytanno, haroonsitanno, ittissanno,huntanno,ogimmate amanyootensa agadhite loosansa buuxxanni haroonsitanno,ittisanno,huntanno.
11.Federaalete biilloonyi, ogimmate mizgawinna fajjo uynanininsa fayyimmate ogeeyye,wolu doorshihanna irkisamanno xagisate ogeeyyera ogimmate fajjootinsa haroo’manno gede irkote dabdaabbe borreessanno.
12.Owaantete yannansa gooffino sagale, xagga, loosoho ikkanno uduunne garunni baӇnno gede assinoonnita buuxxanno.
13. Babbaxitino uurrinshubbanni fultanno moolunna du’namano ishine hunnanni gari dagoomu fayyimma iima eddaro iillishanokki garinni ikkinota buuxanno, ittisanno, la’ánonsa bissa ledo ikkatenni hasiissanno qaafo adhitanno, halametennino loossanno.
14.Doogimale sagale, xagga, fayyimmate owaantubba. Ittissanno,hasiissanno qaafono adhitanno.
15.Dagoomaho shiqanno anganni way isilanchimma, deerrasi agadhinoha ikkasi buuxxano, hirote shiqqanno sagale , xaganna xaggate uduunne federaalete biilogninni borreesamansa buuxxanno ittisanno.
16.Qoqqowu deerrinni fayyimmanna fayyimma labbanno harunsonna ittishsha assinanninsa uurrinshubba hasiisanno coichimmate safaraancho wonshansa buuxxanno, hasiissanno qaafono adhitanno.
17. Budu xagishshi egenaammira, ikkadimma buuxisiissanno tajete woraqatanna ogimmate fajjo uytanno, ittissanno, wodote garinni hasiissanno qaafono adhitanno.
18.Loosu iimiha fayyimmate agarooshsheno ha’runsitanno. Hasiissanno qaafono adhitanno.
19.Hirote shiqqino ayee sagaleno xaggano manchu beetira sagalimmate woyi xaginateho sumuu yaannoha ikkasi buunxiro woyi dagoomu iima gawajjo abbanno yine ammannanniti buutaame kemikaale wodhote garinni ganba assitanno, garunnino ba”ase buuxxanno.
20. La’anonsa bissa ledo ikkatenni meereriha,balaxonniha woyi maassote gedeniidi fayyimmate rosaano rossano roso loosu aani rosicho assitanno gede fayyimmate uurrinshubbara gaamantanno gedenna hasiisanno rosicho assansa buuxxanno ha’runsitanno.
21. Qoqqowu giddo loosamannori sagalete, xagatenna fayyimmate owaante daddalu egensiishshi iima harunsote looso loossanno,hasiisannoha ikke leelliro hasiissanno qaafono adhitanno
22. Jirote annanno ikkanno,wuleno eanno,isi su’minni kassasanno, kassasamanno.
22. Hexxo wonshate kaa’litannore wole loossano loosu iima hosiissanno.